چاۓ کے ہوٹل پر بیٹھے 20 سے زائد افراد کو ڈاکوؤں نے لوٹ لیا
گلشن اقبال تھانے سے چند گز کے فاصلے پر واقع کے ڈی اے مارکیٹ میں چائے کے ہوٹل کے باہر فٹ پاتھ پر لگی کرسیوں پر بیٹھے 20 سے زائد شہریوں کو ڈاکوؤں نے سرعام لوٹ لیا۔
منگل اور بدھ کی درمیانی شب تین ڈاکو بڑا اسلحہ (کلاشنکوف) تھامے چائے کے ہوٹل پر آئے، ایک ڈاکو نے بڑا اسلحہ دکھا کر ہوٹل کے باہر کرسیوں پر بیٹھے شہریوں کو لوٹ لیا جو فوٹیج میں واضح طور پر دیکھا گیا۔
واقعے کے بعد متاثرہ افراد نے تھانے کے باہر احتجاج بھی کیا لیکن پولیس نے گشت بڑھانے کے بجائے ہوٹل کو ہی بند کر دیا، متاثرہ ہوٹل سے چند قدم کے فاصلے پر دو ہفتے قبل بھی ایک ہوٹل پر بیٹھے شہریوں کو لوٹ لیا گیا تھا، واردات سے متعلق گلشن اقبال پولیس نے کوئی موقف نہیں دیا۔
Comments
Post a Comment