کوئٹہ کے شہری جان محمد کے گھر نئے سال پر ایک اور بچے کی ولادت ہوئی، جس کے بعد ان کے بچوں کی مجموعی تعداد 60 ہوگئی ہے۔
تفصیلات کے مطابق جان محمد کے 60 بچوں کی ولادت 3 بیویوں سے ہوئی، ان کے 5 بچوں کا انتقال ہو چکا ہے جبکہ جان محمد کے 55 بچے حیات اور صحت مند ہیں۔ جان محمد کا کہنا ہے کہ نئے سال کی آمد پر ایک اور بچے کی ولادت سے بہت خوش ہیں، بچے کا نام حاجی خوشحال خان رکھا ہے، جان محمد پیشے کے لحاظ سے کمپاؤنڈر ہیں اور وہ نواحی علاقے میں اپنا کلینک چلاتے ہیں، جان محمد کی تینوں بیویاں اور بچے ایک ہی گھر میں رہائش پذیر ہیں، کثیر الاولاد شخص کو ایک اور شادی کی بھی خواہش ہے جس کے لئے چوتھی زوجہ کی تلاش جاری ہے۔ماضی میں اپنے ایک بیان میں جان محمد نے کہا تھا کہ ان کا ہدف 100 بچوں کی پیدائش ہے اور وہ زیادہ بچوں پر اللّٰہ تعالیٰ کے شکر گزار ہیں۔
Comments
Post a Comment